ئێران هۆشداری دەداتە ئەمریکا و ئەورووپا " بەرەنگاری سەرئەنجامێکی سەخت دەبنەوە". "

 پەیامی کورد     ...    ئێران هۆشداری دەداتە ئەمریکا و ئەورووپا " بەرەنگاری سەرئەنجامێکی سەخت دەبنەوە". " 

ووتەبێژی حکومەتی ئێران رایگەیاند، ئەگەر ئەمریکا و ووڵاتانی ئەورووپا یاسای قەدەغەکردنی فڕۆشتنی چەک لە ئەنجوومەنی ئاسایشی نێودەوڵەتی درێژبکرێتەوە ئەوا سەرئەنجامێکی سەخت چاوەرێیان دەکات.
عەلی ڕەبیعی، ووتەبێژی حکومەتی ئێران لە کۆنگرەیەکی رۆژنامەوانیدا هۆشداری دا و ڕایگەیاند : "بۆ ویلایەتە یەکگرتوەکانی ئەمریکا و ووڵاتانی ئەورووپامان ئەگەر یاسای قەدەغەکردنی فڕۆشتنی چەک لە ئەنجوومەنی ئاسایشی نێودەوڵەتی درێژبکرێتەوە، ئەوا بەرەنگاری سەرئەنجامێکی سەخت دەبنەوە".
ئاماژەی بەوەشکرد، ئەگەر ویلایەتە یەکگرتوەکانی ئەمریکا و ووڵاتانی ئەورووپا هەوڵی ئەنجامدانی ئەو کارەبدەن، ئەوا کاریگەری نەرێنی لەسەر رێککەوتننامە ئەتۆمییەکە و ئاسایشی ناوچەکە دەبێت.
هەروەها "دەبێت واشینتۆن دەبێ لەوە تێبگات کە جیهان و رێککەوتننامە نێودەوڵەتییەکان یاری نین ، ئەگەر ئەمریکا ماوەی قەدەغەکردنی فڕۆشتنی چەک بە ئێران درێژبکاتەوە، ئەوا دەبێتە هۆی سەرپێچیکردنی تاکلایەنەی ئەو ووڵاتە لە رێککەوتننامە و پەیماننامە نێودەوڵەیتییەکانی".

٢٩ ی مانگی رابردوو، مایک پۆمپێئۆ وەزیری دەرەوەی ئەمریکا لەمیانەی کۆنگرەیەکی ڕۆژنامەوانیدا رایگەیاند، "لەگەڵ ئەنجوومەنی ئاسایشی نێودەوڵەتیدا هاوکاردەبین بۆ درێژکردنەوەی ماوەی قەدەغەکردنی فڕۆشتننی چەک بە ئێران".