سەرۆک بارزانی پێشوازی له‌ سەرۆکی ئینستیتوتی خوێندنی کوردی لە بەرلین كرد

پەیامی کورد...سەرۆک بارزانی پێشوازی له‌ سەرۆکی ئینستیتوتی خوێندنی کوردی لە بەرلین كرد

سه‌رۆك بارزانی له‌ پیرمام پێشوازی له‌ سەرۆکی ئینستیتوتی خوێندنی کوردی لە بەرلین كرد و پێزانی هه‌بوو بۆ هه‌وڵ و به‌رهه‌مه‌كانی له‌ خزمه‌ت كردنی زمان و ئه‌ده‌بی كوردی.

ئه‌مڕۆ یه‌كشه‌ممه‌ 15/1/2023، لە سەڵاحەدین، سەرۆک مەسعود بارزانی، پێشوازی لە مامۆستای زمان، ئەدەب و مێژووی کورد و دامەزرێنەر و سەرۆکی ئینستیتوتی خوێندنی کوردی لە بەرلین، دکتۆر فەریاد فازڵ کرد.

لە دیدارەکەدا سەرۆک بارزانی پیرۆزبایی لە دکتۆر فەریاد فازڵ کرد بۆ بەدەستهێنانی خاچەخەڵاتی لێهاتوویی ئەڵمانیا کە لەلایەن سەرۆککۆماری ئەڵمانیاوە پێیبەخشراوە و پێزانینی هەبوو بۆ هەوڵ ماندووبوون و نووسینی ئەو بەرهەمە زانستیانەی کە ڕۆلێکی گرنگیان لە پێشخستنی زمان و ئەدەبی کوردیدا هەبووە و هیوای سەرکەوتن و بەردەوامی بۆ خواست.

هەر لەو دیدارەدا دکتۆر فەریاد فازڵ سوپاسی پشتگیرییەکانی سەرۆک بارزانی کرد و ڕایگەیاند کە ئەو خەڵاتەی پێشکەشی کراوە پێشکەش بە گەلی کورد دەکا و داواشی کرد حکوومەتی هەرێمی کوردستان بایەخی زیاتر بە زمان و ئەدەبی کوردی و پاراستن و پێشخستنی بدا.