سەرۆک بارزانی پەیامێکی هاوخەمی بڵاو دەکاتەوە

پەیامی کورد     ...   سەرۆک بارزانی پەیامێکی هاوخەمی بڵاو دەکاتەوە

سەرۆک مەسعوود بارزانی سەرۆکی پارتی دیموکراتی کوردستان پەیامێکی لەبارەی هێرشەکەی ناوچەی سەدری بەغدا بڵاوکردەوە و تێیدا وێڕای سەرکۆنەکردنی  رایگەیاند، ئەو تاوانە نیشانەی ئەوپەڕی بێویژدانی و نامرۆڤبوونی تیرۆریستانە.

سەرۆک مەسعووود بارزانی، لە پەیامێکدا ئیدانەی هێرشە تیرۆرستیەکەی سەر شاری سەدر لە بەغدا دەکات و رایدەگەێنێت "ئەو تاوانە نیشانەی ئەوپەڕی بێویژدانی و نامرۆڤبوونی تیرۆریستانە".
لە پەیامەکەی مەسعوود بارزانیدا  هاتووە: "زۆر بە تووندی ئیدانەی ئەو هێرشە تیرۆریستیە دەكەم كە دوێنێ لە بازاڕێكی شاری سەدر لە بەغدا كرایە سەر هاووڵاتیانی بێ تاوان كە لە ئەنجامدا دەیان هاووڵاتی شەهید و بریندار بوون. ئەو تاوانە نیشانەی ئەوپەڕی بێویژدانی و نامرۆڤبوونی تیرۆریستانە كە لە ڕۆژی عەرەفە و لەو كاتەی خەڵك خۆیان بۆ پێشوازی لە جەژن ئامادە دەكرد تاوانێكی قێزەونی لەوشێوەیە ئەنجام دەدەن."

دەشڵێت،" ئەوانە دوژمنی ئایین و مرۆڤایەتی و پیرۆزییەكانن و، لە هەموو بەهایەك شۆراون و دەبێ باجی ئەو تاوانەیان بدەن".
لە بەشێکی دیکەی پەیامەکەیدا سەرۆک بارزانی نووسیویەتی: "سەرەخۆشی لە خانەوادە و كەسوكاری قوربانیان و شەهیدانی ئەو كارەساتە دڵتەزێنە دەکەم. دڵم لەگەڵ خەم و ئازارەکەیانە و خۆم بە هاوبەشی خەمیان دەزانم. لە خودای مەزن داواكارم سەبر و ئارامیان پێ ببەخشێ و هیوای چاكبوونەوەش بۆ برینداران دەخوازم"