لە باشووری عێراق بە هۆی شەڕی نێوان دوو خێڵ پێنج کەس کوژران

پەیامی کورد ... لە باشووری عێراق بە هۆی شەڕی نێوان دوو خێڵ پێنج کەس کوژران

لە شەڕێكی نێوان دوو خێڵدا لە بەسڕەی باشووری عێراق، پێنج كەس كوژران و چەند کەسێکیش بریندار بوون.

محەمەد خەڵەف، ئەفسەر لە سوپای عێراق لەوبارەیەوە بە ئاژانسی ئانادۆڵوی وتووە، “لە پارێزگای بەسرە شەوی ڕابردووە، پێنج كەس كوژراون و حەوتی دیكەش برینداربوون، بەهۆی شەڕی عەشایەرییەوە”.

ئەوەشی خستوەتەڕوو، شەڕەكە لە ناوچەی كەرمە لە پارێزگای بەسڕە لەنێوان خێڵی حەمدانە و بۆعفەرە بەهۆی هەندێك كێشەی كۆنەوە ڕویداوە.

ئەفسەرەكەی سوپا ئاشكراشیكردووە، لە شەڕەكەدا چەكی مامناوەن و سوك بەكارهاتوون.

ئاماژەی بەوەشكردووە، سوپای عێراق چووەتە ناو شەڕەكەوە و كۆنتڕۆڵی دۆخەكەی كردووە.