لۆبنان بنکەی ئاسمانی ڕادەستی ئێران ناکات بۆ هێرش کردنە سەر " ئیسرائیل

پەیامی کورد  ...   لوبنان بنکە بۆهێرشکردنە سەر ئیسرائیل ناداتە ئێران

بەپێی ڕاپورتی میدیاکان، تاقمێک لە بەرپرسانی دەوڵەتی لوبنان ڕایانگەیاندووە لەئەگەری شەڕوپێکدادان لە نێوان ئەمریکا و ئێران، ئەم ووڵاتە هیچ بنکەیەک بۆ هێرشکردنەسەر ئیسرائیل، ناداتە حزبۆڵڵا نوێنەرەکەی ئێران.

بەپێ ڕاپۆرتی کاتۆلیک (KNA) لەزمانی میدیاکانی ئۆرشەلیم، میشێل عوون، سەرۆککۆماری لۆبنان، لەلایەن کەسانێکی ناوبژیوەوە بەرپرسانی ئیسرائیلی دڵنیا کردووتەوە.

▫️ئەم میدیایانە بەپێی بەڵگەکانی وێبگای ئینتەرنەتی "ئیندیپێندێنت ئارابیا" هەروەها ئاماژەیان کردووە ، ماوەیەک لەمەو پێش کۆبوونەوە گەلێک لە نێوان کاربەدەستانی ئیسرائیلی و لوبنانی لە یوونان و قێبرس، بەڕێوەچووە.

▫️بەپێ ئەم ڕاپۆرتە، سەرۆکۆمار عوون گوتوویە "هاوپەیمانانی حیزبۆڵڵایی ئاگادارمیان کردووتەوە کە ئەم دامەزراوە نایهەوێ هێرش بکاتەسەر ئیسرائیل"

▫️میشێل عوون هەرجۆرە دەستێوەردانی ووڵاتەکەی لە کێشەکانی نێوان تاران و واشینتۆن ڕەتدەکاتەوە و گوتوویەتی: لوبنان خوازیاری ووتووێژە لەنێوان ئەمریکا و ئێران و شەڕ بە قازانجی هیچ لایەنێک نییە.