لە ئیستانبوڵ ٣٥٣ کۆچبەری نایاسایی دەستگیر کران

پەیامی کورد... لە ئیستانبوڵ ٣٥٣ کۆچبەری نایاسایی دەستگیر کران


لە میانی هەڵمەتێکی پشکنیندا لە ژمارەیەک ناوچەی ئیستانبوڵ، ٣٥٣ کۆچبەری نایاسایی دەستگیر کران.

ئاژانسی ئەنادۆڵۆ بلاوی كردەوە :لە ناوچەکانی ئوسکودار، کوچوکچەکمەجە، بەیکۆز، سارییەر، باکرکۆی، ئەسەنلەر، کاغتخانە، باخچەلیئەڤلەر، عومرانییە و گونگۆرەن بە بەشداریی تیمەکانی بەڕێوبەرایەتیی هۆبەی بەرەنگاربوونەوەی کۆچی نایاسایی و دەروازە سنوورییەکانی سەربە بەڕێوبەرایەتیی ئاسایشی ئیستانبوڵ، هەڵمەتێک بۆ بەرەنگاربوونەوەی کۆچی نایاسایی دەست پێ کرد.

ئاماژە بەوەشكراوە :تیمەکان لە میانی هەڵمەتەکەدا، ٢٦ بەلەمی گەشتیارییان پشکنینی، بەدواداچوونیان بۆ هەزار و ٤٣٣ هاووڵاتیی بیانی کرد و ٣٥٣ کۆچبەری نایاساییان دەستگیر کرد.

ئەوەش هاتووە : کۆچبەران دوای تەواوبوونی رێکارەکانیان رادەستی ناوەندی دووبارە ناردنەوەی کۆچبەران دەکرێن.