کۆمسیۆنی هەڵبژاردنەكانی عێراق پیداگری دەکات لە سەر بەڕێوەچوونی هەڵبژاردنەکان

پەیامی کورد … کۆمسیۆنی هەڵبژاردنەكانی عێراق پیداگری دەکات لە سەر بەڕێوەچوونی هەڵبژاردنەکان

کۆمسیۆنی باڵای سەربەخۆی هەڵبژاردنەكانی عێراق رایگەیاند، پیداگرین لەسەر وادەی دیاریکراوی هەڵبژاردنی پێشوەختە، کە بڕیارە لە ١٠ ی ئۆکتۆبەری داهاتوودا بەرێوەبچێت.

لە بەیاننامەیەكدا کۆمسیۆنی باڵای سەربەخۆی هەڵبژاردنەكانی عێراق ڕایگەیاند: هاوپەیەمانیەتییە سیاسییەکان و حزب و کاندیدەکان دەتوانن تا ١ی مانگی داهاتوو سوودمەندبن لە دروستكردنی هاوپەیمانیەتی و لیستی کاندیدان لە وادەی دیاریکراو تەواو بکەن، بەپێی وادەی دیاریکراو هەنگاوەکانی ئامادەکاری تەواو دەکرێن و دەستکاری خشتەی وادەکەش ناکرێت.

کۆمسیۆنی هەڵبژاردن جەخت دەكاتەوە، دەیانەوێت هەڵبژاردن متمانەی شەقامی عێراقی بەدەستبهێنێت و هاووڵاتیان وەڵامدانەوەیان بۆ هەڵبژاردن هەبێت، سوریشن لەسەر ئەنجامدانی هەڵبژاردن لە وادەی دیاریكراوی خۆیدا.