مستەفا کازمی لەگەڵ شادازدەی جێنشینی سعودیا کۆ بوویەوە

پەیامی کورد … مستەفا کازمی لەگەڵ شادازدەی جێنشینی سعودیا کۆ بوویەوە

سەرۆكوەزیرانی عێراق لەگەڵ شازادەی جێنشینی سعودییە كۆبووەوە و ڕیاز پشتیوانی خۆی بۆ بەغداد لە سەرجەم بوارەكاندا ڕادەگەیەنێت.

مستەفا كازمی، سەرۆكوەزیرانی عێراق ئەمڕۆ چوارشەممە 31ی ئازار گەیشتە ڕیازی پایتەختی سعودییە و لەگەڵ محەمەد بن سەلمان، شازادەی جێنشینی ئەو وڵاتە كۆبووەوە.

بەپێی بەیاننامەیەكی نوسینگەی ڕاگەیاندنی سەرۆكوەزیران، لە دیدارەكە پەیوەندییە دووقۆڵییەكانی نێوان هەردوو وڵات و پەرەپێدانی هەماهەنگی هاوبەش لە بوارەكانی ئابوری و وزە و ئاسایش و وەبەرهێنان و سنووردا تاوتوێكراوە.

ئاماژەشیداوە، جەختكرایەوە لەسەر گرنگی ڕۆڵی عێراق لە ناوچەكەدا بەجۆرێك خزمەت بە سەقامگیرییەكەی بكات، لەگەڵ پشتیوانی سعودییە بۆ عێراق لە سەرجەم بوارەكان، جگە لە تاوتوێكردنی كاراكردنی سندوقی وەبەرهێنانی سعودیە.