ناوچەی سەوزی بەغدا هاوەنباران کرا

پەیامی کورد... ناوچەی سەوزی بەغدا هاوەنباران کرا

ئه‌مجاره‌ سێ گوللـه‌هاوه‌ن ئاراسته‌ی ناوچه‌ى سه‌وزى به‌غدا كران و زانیارییەکان باس لەوە دەکەن کە هیچ زیانێكى گیانییان به‌دواوه‌ نه‌بووە.

شانه‌ى راگه‌یاندنى ئه‌منیى عیراق بڵاویكردوه‌ته‌وه‌، به‌ره‌به‌یانى ئه‌مڕۆ سێشەممە ٢٢ی ئەیلوول، سێ گوللـه‌هاوه‌ن نراون به‌ ناوچه‌ى سه‌وزه‌وه‌ له‌ شارى به‌غدا.

رونیشكراوه‌ته‌وه‌، هاوه‌نه‌كان له‌ناو ناوچه‌ى سه‌وزدا كه‌وتونه‌ته‌ خواره‌وه‌، به‌ڵام هیچ زیانێكى گیانییان به‌دواوه‌ نه‌بوه‌ و به‌پێى به‌دواداچونه‌كانیش له‌ناوچه‌ى كه‌راده‌وه‌ له‌ ته‌نیشت خوێندنگه‌یه‌ك به‌ناوى "عیرفان"ه‌وه‌ هه‌ڵدراون.