پارێزگاری سلێمانی سەردانی كۆسرەت رەسوول عەلی دەكات

پەیامی کورد      ...      پارێزگاری سلێمانی سەردانی كۆسرەت رەسوول عەلی دەكات

سەرلەبەیانی ئەمڕۆ پێنجشەممە، لە شاری سلێمانی، كۆسرەت ڕەسوول عەلی سەرۆكی ئەنجوومەنی باڵای سیاسی و بەرژەوەندی یەكیتی نیشتمانی كوردستان پێشوازی كرد لە د. هەڤاڵ ئەبووبەكر پارێزگاری سلێمانی.

بە گوێرەی ڕاگەێندراوێكی نووسینگەی ڕۆژنامەوانی كۆسرەت ڕەسووڵ عەلی، "‎لە دیدارێكدا گفتوگۆكرا لەبارەی دۆخی سیاسی و ئابووری و تەندرووستی و ژیان و گوزەرانی خەڵك و پێشكەشكردنی خزمەتگوزاری بە هاونیشتمانیان"
ئەوەشخراوەتەرو"سەرۆكی ئەنجوومەنی باڵای سیاسی سوپاسی پارێزگاری سلێمانی و ئیدارەی خۆجەیی شارەكەی كرد، كە لە ماوەكانی ڕابردوودا لێپرسراوانە مامەڵەیان لەگەڵ دۆخەكە كردوە و هاوكارێكی باش بوون لە بنبڕكردنی و كەمكردنەوەی مەترسییەكانی كۆڕۆنا لە شارەكە."

هەر بەپێی راگەێندراوەكە،"‎كۆسرەت ڕەسوول عەلی پشتیوانی خۆی بۆ ئیدارەی خۆجەیی سلێمانی دووپاتكردەوە و هیوای خواست ڕۆڵی ئەرێنی بگێڕن لەباشتركردنی دۆخی ژیانی هاووڵاتیان و پێشكەشكردنی خزمەتگوزاری زیاتر بە هاووڵاتیان."

‎لای خۆشیەوە د. هەڤاڵ ئەبووبەكر سوپاسی پاڵپشتی و پشتیوانی كۆسرەت ڕەسوولی كرد و ڕایگەیاند هەوڵ دەدەن باشترین خزمەتگوزاری پێشكەش بكەن.