گەشتە ئاسمانییەکانی نیوان عێراق و تورکیا دەست پێدەکەنەوە

پەیامی کورد ... گەشتە ئاسمانییەکانی نیوان عێراق و تورکیا دەست پێدەکەنەوە

دواى ماوەیەک لە وەستانى گەشتە ئاسمانییەکانى نێوان عێراق و تورکیا، بڕیارە ئەمڕۆ گەشتەکان دەستپێبکەنەوە.

دەسەڵاتی فڕۆکەوانی شارستانی عێراق رایگەیاند ؛ گەشتە ئاسمانییەکانی نێوان عێراق و تورکیا بەپێی خشتە دانراوەکان دەستپێدەکاتەوە و لە ئەمڕۆ پێنجشەممە (15/10/2020) هەر حەوتوو حەوت گەشت لەنێوان هەردو وڵات ئەنجامدەدرێت.

دەستپێکردنەوەى گەشتە ئاسمانییەکانى نێوان هەردو وڵات، گەشتى فڕۆکەخانەکانى هەرێمى کوردستانیش دەگرێتەوە .

سەرەتای ئەم مانگە، دەسەڵاتی فڕۆکەوانی تورکیا، بڕیاریدا بە هەڵپەساردنی گەشتە ئاسمانییەکانی لەگەڵ عێراق، ئەوەش بە بڕیاری وەزارەتی تەندروستی و وەک بەشێک لە رێکارەکانی خۆپارێزیی لە ڤایرۆسی کۆرۆنا و پێشتریش بۆ ماوەیەک لەسەر خواستى تورکیا گەشتە ئاسمانییەکانى نێوان هەردو وڵات بۆ ماوەیەک راگیرابو.