ئاستی تووشبوانی کۆرۆنا لە جیهان بە شیوەیەکی مەترسیدار ڕووی لە زیادبوونە

پەیامی کورد     ...    ئاستی تووشبوانی کۆرۆنا لە جیهان بە شیوەیەکی مەترسیدار ڕووی لە زیادبوونە

ژمارەی تووشبوانی کۆرۆنا لە ماوەی هەفتەیەکدا بەشێوەیەکی بەرچاو بەرزبوەتەوە و کۆی تووشبوانی پەتاکەش لە جیهاندا گەیشتە زیاتر لە ٢٨ ملیۆن و ٦٥٩ هەزار کەس.

بەگوێرەی دوایین ئامار ژمارەی تووشبوانی ڤیرووسی کۆرۆنا، تا بەرەبەیانی ئەمڕۆ شەممە گەیشتوەتە 28 ملیۆن و ٦٥٩ هەزار و ٧٢٧ کەس، لەو ژمارەیەش ٢٠ ملیۆن و ٥٨٦ هەزار و ١٤٧ کەس چاکبوونەتەوە و ٩١٩ هەزار و ٧١٨ کەسیش گیانیان لە دەستداوە.

لەسەر ئاستی جیهان ژمارەی تووشبوان لە ویلایەتە یەکگرتوەکانی ئەمریکا بەخێرایی بەرزدەبێتەوە، بەجۆرێک کۆی تووشبوانی پەتاکە گەیشتوەتە ٦ ملیۆن و ٦٣٦ هەزار و ٢٤٧ توشبو.

هاوکات لە ئێران لەگەڵ بەردەوامی بڵاوبوونەوەی پەتاکە، بەڵام رۆژانە ژمارەی ئەو کەسانەی چاکدەبنەوە بەرەو زیادبوون دەچێت، بە جۆرێک لە کۆی ٣٩٧ هەزار و ٨٠١ تووشبوو، ٣٤٢ هەزار و ٥٣٩ کەس چاکبوونەتەوە و ژمارەی ئەو کەسانەش بەهۆی پەتاکە گیانیان لە دەستداوە گەیشتوەتە ٢٢ هەزار و ٩١٣ کەس.

لەسەر ئاستی ووڵاتانی ئەورووپاش ژمارەی تووشبوان لە ئیسپانیا زۆرترین ژمارەی تێدا تۆمارکراوە و تا ئەمڕۆ ٥٧٦ هەزار و ٦٩٧ کەس تووشی پەتاکە بوون، لەو ژمارەیەش ٢٩ هەزار و ٧٤٧ کەس گیانیان لە دەستداوە.