دەست بەسەرداگرتنی ٧ ملیۆن دۆلار و زێڕ لە ناوچەی سەوز؛ دەنگۆی هەڵهاتنی وەزیرێکی پێشوو هەیە

PeyamaKurd - دەست بەسەرداگرتنی ٧ ملیۆن دۆلار و زێڕ لە ناوچەی سەوز؛ دەنگۆی هەڵهاتنی وەزیرێکی پێشوو هەیە

🔻 سەرچاوە هەواڵییەکانی عێراق بڵاویان کردەوە، لە ئۆپراسیۆنێکی ئەمنی کتوپڕدا لە ناوچەی سەوزی بەغدا، دەست بەسەر بڕێکی زۆر پارەی کاش و زێڕدا گیراوە و هاوکات پەرلەمانتارێکی پێشووش دەستگیرکراوە.
🔻 ووردەکارییەکانی ئۆپراسیۆنەکە:
دەست بەسەرداگرتنی پارە و زێڕ: لە ناوچەی سەوز دەست بەسەر ئۆتۆمبێلێکی جۆری (تۆiota کرۆلا)دا گیراوە کە ٧ ملیۆن دۆلاری کاش و ١٣ قاڵبی زێڕی تێدابووە و ئامادەکرابوو بۆ ئەوەی بۆ دەرەوەی ناوچەکە بگوازرێتەوە.
تێوەگلانی وەزیرێک و دەنگۆی هەڵهاتنی: بەپێی زانیارییە سەرەتایی یەکان، ئۆتۆمبێلەکە سەر بە (ئەحمەد ئەسەدی) بووە، کە وەزیری کار و کاروباری کۆمەڵایەتی بوو لە حکوومەتەکەی موحەمەد شیاع سوودانی، و لە ئێستادا دەنگۆیەکی بەهێز لەسەر هەڵهاتنی ناوبراو هەیە.
دەستگیرکردنی پەرلەمانتارێک: لە چوارچێوەی هەمان ئۆپراسیۆنی شەوی ڕابردوودا، هێزە ئەمنییەکان پەرلەمانتاری خولی پێشووی پەرلەمانی عێراق **(تەلال زەوبەعی)**یان دەستگیرکردووە.
دۆخی ئەمنی ناوچەی سەوز: بەهۆی ئەم کێشە و پەرەسەندنانەوە، لە ئێستادا هێزێکی یەکجار زۆری ئەمنی و سەربازی لە ناوچەی سەوزی بەغدا بڵاوەیان پێکراوە و ڕێوشوێنی تووند گیراوەتەبەر.