بە هۆی تەقینەوەیەک لە ئەفغانستان زیاتر لە ٣٥ کەس کوژراو بریندار بوون

پەیامی کورد    ...   بە هۆی تەقینەوەیەک لە ئەفغانستان زیاتر لە ٣٥ کەس کوژراو بریندار بوون

وەزارەتی ناوخۆی ئەفغانستان بڵاویکردەوە، بەهۆی تەقینەوەیەک لەبۆنەیەکی ئاینیدا، ١٥ کەس کوژراون و ٢٠-ی دیکەش برینداربوون.

بەپێی راگەێندراوی وەزارەتی ناوخۆی ئەفغانستان، سەرلەبەیانی ئەمڕۆ هەینی لەبۆنەیەکی ئائینیدا لە ناوچەی غەزنە، تەقینەوەیەک روویداوە و بەهۆیەوە لانیکەم ١٥ کەس کوژراون و ٢٠-ی دیکەش برینداربوون.

لەوبارەیەوە، تارق ئاریان ووتەبێژی وەزارەتی ناوخۆی ئەفغانستان رایگەیاند، تەقینەوەکە بەهۆی بۆمبێکەوە بوە کە لەناو تایەی عارەبانەیەکی دەستیدا دانراوە و ژمارەی کوژراوانیش لەزیادبووندایە.
هەرچەندە لەئێستادا دانووستانی ئاشتیانە لەنێوان بەرپرسانی ئەفغانستان و هێزەکانی تاڵیبان بەڕێوەدەچێت، بەڵام بەردەوام هێزەکانی تاڵیبان هەوڵی کۆنترۆڵکردنی شار و شارۆچکەکان دەدەن و لەماوەی رابردوشدا چەندین تەقینەوەی خوێناوییان ئەنجامداوە.