سێ ووڵاتی پێشڕەو لە قوربانیدان بە ڤیرووسی کۆرۆنا

پەیامی کورد     ...    سێ ووڵاتی پێشڕەو لە قوربانیدان بە ڤیرووسی کۆرۆنا .

سێ ووڵاتی پێشڕەو لە قوربانیدان بە ڤیرووسی کۆرۆنا بریتین لە ئەمریکا ، بەرازیل و مەکسیک 

بە پێی ڕاگەیاندنی زانکۆی جان هاپکینز ، مەکسیک ، ئەمریکا و بەڕازیل بەرزترین ڕێژەی قوربانیدان لە جیهان بە هۆی کۆرۆناوە یان هەیە . مەکسیک لە ئاست هەژماری گشتی حاڵەتی تووشبوون بە کۆرۆنا لە دوای بەڕازیل دایە .

بە پێی ڕاپۆرتێک لە سی ئێن ئێن ، زیاتر لە ٦٠ هەزار کەس بە هۆی تووشبوون بە ڤیرووسی کۆرۆناوە لە مەکسیک گیان یان لە دەستداوە . مەکسیک ڕۆژی شەممە ٦ هەزار و ٤٨٢ حاڵەتی تووشبوونی تۆمار کردووە و ژماری گشتی دۆسیەکانی ئەم ووڵاتە گەیشتووەتە ٥٥٦ هەزار و ٢١٦ کەس .

هەر بەپێی ئەم ڕاپۆرتە ، لە ئەمریکا ٥.٦ میلیۆن حاڵەتی ڤیرووسی کۆرۆنا و ١٧٦.٠٧٠ قوربانی ڕاگەێندراوە .

هەروەها ، لە بەڕازیل زیاتر لە ٥٠ هەزار حاڵەتی نوێ تۆمار کراوە . وەزارەتی تەندرووستی بەڕازیل لە ماوەی ٢٤ کاتژمێری ڕابردوودا ٥٠.٠٣٢ حاڵەتی نوێی تووشبوونی تۆمار کردووە و ژماری گشتی دۆسیەکان لەم ووڵاتەدا گەیشتووەتە ٣.٥ میلیۆن کەس .

ئەم وولاتە ڕۆژی شەممە ٨٩٢ قوربانی نوێی لە سەر تۆمار کراوە و ژمارەی کوژراوانی ڤیرووسی کۆرۆنا لە بەڕازیل گەیشتووەتە ١١٤.٢٥٠ کەس .