ڕێوشوێنی ئەمنی تووند لە هەموو باڵیۆزخانەی ووڵاتان لە بەغدا دەگیرێتە بەر

پەیامی کورد   ...    ڕێوشوێنی ئەمنی تووند لە هەموو باڵیۆزخانەی ووڵاتان لە بەغدا دەگیرێتە بەر 

لیوا روكن عامر سه‌دام به‌ڕێوبه‌رى گشتى پاراستنى دامه‌زراوه‌ و كه‌سایه‌تییه‌كان ئاشكرایكرد، بۆ پاراستنى باڵیۆزخانه‌ى ووڵاتان رێوشوێنى ئه‌منى تووند له‌ به‌غداى پایته‌خت گیراوه‌ته‌به‌ر.
عامر سه‌دام له‌به‌یاننامه‌یه‌كدا ئاماژه‌ى به‌وه‌داوه‌، له‌سه‌ر رێنمایى سه‌رۆك وه‌زیران، كه‌ ئاسایشى نێرده‌ دیپلۆماسى و باڵیۆزخانه‌كانی به‌ هێڵى سور داناوه‌، رێگه‌ناده‌ین ده‌ستدرێژى بكرێته‌سه‌ریان له‌ژێر هیچ بارودۆخێكدا.
رونیشیكردوه‌ته‌وه‌، راسته‌وخۆ ده‌ستكراوه‌ به‌گرتنه‌به‌رى رێوشوێنى ئه‌منى تووند و ئه‌و ناوچانه‌ى نێرده‌ دیپلۆماسى و باڵیۆزخانه‌كانى تێدایه‌ ئاسایش تووندكراوه‌ته‌وه‌ و هێزه‌كانى زیادكراون.
ئه‌و ئه‌فسه‌ره‌ باڵایه‌ی وه‌زاره‌تی ناوخۆی عیراق ئاماژه‌ى به‌وه‌شداوه‌، پلان دانراوه‌ بۆ ڕووبه‌ڕوبوونه‌وه‌ى هه‌ر چالاكییه‌كى گومانلێكراو بۆ تێكدانى ئاسایش و ئارامى ئه‌و باڵیۆزخانانه‌ و یاریكردن به‌ئه‌منیه‌ت، وه‌ك ئه‌وه‌ى پێش چه‌ند رۆژێك له‌به‌رده‌م باڵیۆزخانه‌ى به‌حره‌یندا روویدا.
شه‌وی 27ى ئه‌م مانگه‌ خۆپیشانده‌ران هێرشیان كرده‌سه‌ر باڵیۆزخانه‌ى به‌حره‌ین له‌ به‌غدا و ئاڵاى ئه‌و ووڵاته‌یان داگرت و ئاڵاى فه‌له‌ستین و عیراقیان هه‌ڵكرد.