لە عێراق قەدەغەی هاتووچۆ ڕادەگەیندرێت

پەیامی کورد … لە عێراق قەدەغەی هاتووچۆ ڕادەگەیندرێت

لێژنه‌ی باڵای ته‌ندروستی و سه‌لامه‌تی نیشتمانی له‌ عێراق بڕیاری قەدەغەی هاتوچۆی بۆ ماوەی دوو هەفتە راگەیاند.

لێژنه‌ی باڵای ته‌ندروستی و سه‌لامه‌تی نیشتمانی عێراق لە راگەیاندراوێکدا بڵاویکردەوە، کە له‌ كاتژمێر 8ی شه‌و‌ تاکو 5ی به‌یانی قه‌ده‌غه‌ی هاتوچۆ دەبێت، بڕیارەکەش له‌ پێنجشه‌ممه‌ی داهاتوو ده‌چێته‌ واری جێبه‌جێكردنه‌وه‌ و بۆ ماوه‌ی دوو هه‌فته‌ش بەردەوام دەبێت.

ئاماژه‌ بەوەش دراوە، کە قه‌ده‌غه‌ی هاتوچۆ، كه‌رتی ته‌ندروستی، هێزه‌ ئه‌منییه‌كان، فه‌رمانگه‌ خزمه‌تگوزارییه‌كان و فرۆشیاره‌كانی سه‌وزه‌ و میوه‌ ناگرێته‌وه‌.

پێشتر وه‌زاره‌تی ته‌ندروستی حکوومەتی عێراق هۆشداری دابوو له‌ شه‌پۆڵی دووه‌می پەتای كۆرۆنا، روونیکردبووەوە کە بارودۆخەکە له‌ ئاستێكی مه‌ترسیداردایه‌ و پێویسته‌ رێوشوێنی توندتر بۆ رێگری له‌ گواستنه‌وه‌ی زنجیره‌ نوێیه‌كه‌ی كۆرۆنا بگیرێته‌به‌ر.