بەرپرسی ڕێکخراوی ئیتلاعاتی " هەواڵگری " سوپای پاسداران داوا لە میلیشیاکانی عێراق دەکات هێرش بکەنە سەر ئەمریکییەکان

پەیامی کورد     ...   بەرپرسی ڕێکخراوی ئیتلاعاتی " هەواڵگری " سوپای پاسداران داوا لە میلیشیاکانی عێراق دەکات هێرش بکەنە سەر ئەمریکییەکان

حسێن تائیب، بەرپرسی ڕێکخراوی ئیتلاعاتی سوپای پاسداران لە سەردانێکی بۆ عێراق، داوا لە میلیشیا  شێعییەکانى عێراق و نزیک لە کۆماری ئیسلامی دەکا کە هێرشەکانیان بۆ سەر بنکە و بارەگاکانی هێزەکانی ئەمریکا لە عێراق و سووریە چڕتر بکەنەوە.

 هەواڵدەری ڕۆیتەرز لە ڕاپۆرتێک ڕایگەیاند کە بە پێی زانیارییەکانی سێ سەرچاوەی سەربازی و دوو سەرچاوەی ئەمنی، حسێن تائیبى بەرپرسی ڕێکخراوی ئیتلاعاتی " هەواڵگری " سوپای پاسداران، حەوتووی ڕابردوو لە سەردانێک هاتووەتە عێراق و لەگەڵ بەرپرسانی حەشدی شەعبی گفتوگۆ و کۆبوونەوەی هەبووە، سەرەڕای ئەویکە داوای لە میلیشیاکانی حەشدی شەعبی کردووە هێرش بکەنە سەر بنکە و بارەگاکانی هێزەکانی ئەمریکا، ووتووشیەتی "هێرشەکان بە ئەستۆ مەگرن و بە میدیایی مەکەن".

فەرماندەیەکی باڵای سەربازی کە ئاگاداری دانیشتنەکانی حەشدی شەعبی و تائیب بووە، بە هەواڵدەری ڕۆیتەرزی ڕاگەیاندووە "لەو کۆبوونەوە بڕیار دراوە هێرش بکەنە سەر بنکە و بارەگاکانی ئەمریکا لە هەردوو ووڵاتى عێراق و سووریە". بە پێی ئەو ڕاپۆرتە، کۆماری ئیسلامی میلیشیاکانی لە عێراق وەک کارتێکی گوشار بۆ وتووێژەکانى تایبەت بە پرسى ناوەکی لە ڤییەننا بە کار دەهێنێ.