مستەفا كازمی: پشتیوانی لەئازادی و بەئاشتی ئەنجامدانی خۆپیشاندان دەكەین

پەیامی کورد … مستەفا كازمی:  پشتیوانی لەئازادی و بەئاشتی ئەنجامدانی خۆپیشاندان دەكەین

سەرۆك وەزیرانی عێراق سەبارەت بە خۆپیشاندانەكەی رۆژی سێ شەممەی گۆڕەپانی تەحریر كە كوژراو و برینداری لێكەوتەوە رایگەیاند، لێكۆڵینەوەیەكی شەفاف لەو رووداوە دەكەن و فەرمانی كردووە بە پاراستنی خۆپیشاندەران.

مستەفا كازمی، سەرۆك وەزیرانی عێراق لەپەیامێكدا رایگەیاند، پشتیوانی لەئازادی و بەئاشتی ئەنجامدانی خۆپیشاندان دەكەن و فەرمانیان دەركردوە بۆ پاراستنی خۆپیشاندەران و بەكارنەهێنانی توندوتیژی بەرامبەریان.

ئاماژەی بەوەشكردوە، لیژنەی لێكۆڵینەوەیان لەسەر گرژییەكانی خۆپیشاندانی گۆڕەپانی تەحریر پێكهێناوە، بۆ ئەوەی راستیەكانی توندوتیژیەكانی رۆژی سێ شەممە ئاشكرابن.

راشیگەیاند: پاراستنی ئاسایشی وڵات ئەرك و بەرپرسیاریەتی هەموانە و دەبێت هەموان لەپاراستیندا رۆڵ ببینن.

رۆژی سێ شەممە خۆپیشاندانێك لە گۆڕەپانی تەحریر بەڕێوەچوو، لە كۆتا ساتەكاندا گرژی هاتەئاراوە و بە هۆیەوە خۆپیشاندەرێك كوژرا و ژمارەیەكی دیكەش برینداربوون.