سەرۆكی حكوومەت پێشوازی لە كونسووڵی گشتی میسر کرد

پەیامی کورد    ...   سەرۆكی حكوومەت پێشوازی لە كونسووڵی گشتی میسر کرد

دووشەممە، 12ـی کانوونی دووەمی 2026، مەسروور بارزانی سەرۆکی حکوومەتی هەرێمی کوردستان، پێشوازی لە باڵیۆز مەحموود فاروق یوسف ، کونسووڵی گشتی میسر لە هەرێمی کوردستان کرد.

لە دیدارەکەدا، گفتوگۆ لەبارەی سەردانی ئەم دوایی یەی سەرۆکی حکوومەت بۆ قاهیرە و دیداری لەگەڵ سەرۆککۆماری میسر عەبدۆلفەتتاح سیسی کرا .

کونسووڵی گشتی میسر ، ئاماژەی بە گرینگی سەردانەکە و ڕۆڵی لە پێش خستنی زیاتری پەیوەندی دوولایەنە لە بوارە جۆراوجۆرەکان دا کرد و خواستی ووڵاتەکەشی بۆ بەهێزترکردنی پەیوەندییەکان لەگەڵ هەرێمی کوردستان دووپات کردەوە.

سەرۆکی حکوومەت، پێزانینی بۆ ڕۆڵی میسر و سەرۆک سیسی لە پشتیوانی کردنی پرسی کورد و ئاشتی و سەقامگیری ناوچەکەدا دەربڕی.