سەرچاوەگەلی ئیسرائیلی : بن سەلمان ، بۆ پەیوەندییەکانی ئیسرائیل لەگەڵ سوودان یارمەتی و هاوکاری ئاراستەی مووسادی کردووە
پەیامی کورد ... سەرچاوەگەلی ئیسرائیلی : بن سەلمان ، بۆ پەیوەندییەکانی ئیسرائیل لەگەڵ سوودان یارمەتی و هاوکاری ئاراستەی مووسادی کردووە
هەندێک لە سەرچاوەگەلی ئیسرائیلی ڕایانگەیاند کە وەلیعەهدی عەرەبستانی سەعوودی ، مووسادی بۆ پتەوکردنی پەیوەندییەکانی ناتانیاهوو و خارتووم پالپشتی کردووە و هاوکاری کردوون .
بە پێی ڕاپۆرتێک هەندێک لە میدیاکانی عەرەبی لە زاری میدیاگەلی ئیسرائیلی ڕاپۆرتیان دا کە موحەمەد بن سەلمان وەلیعەهدی سەعوودی بە کەڵک وەرگرتن لە نفووز و دەستڕۆیشتووی و پەیوەندییەکانی خۆی لەگەڵ یووسی کۆهێن ، سەرۆکی ڕێکخراوی هەواڵگری و زانیاری ئیسرائیل ، مووساد بۆ پتەوکردن و بەهێزکردنی پەیوەندی لەگەڵ خارتووم یارمەتی بۆیان ڕەوان کردووە .
بەقەرار کردنی پەیوەندی نێوان سوودان و ئیسرائیل لە دوای ڕاگەیاندنی ترامپ بۆ کۆنگرە بەو واتایەی کە ئەو بە نیازە سوودان لە لیستەی پاڵپشتیکەرانی تێرۆریسم ی دارایی دەربێنێت و پێدانی بڕی ٣٣٥ میلیۆن دۆلار خەسار لە لایەن سوودانەوە بۆ قەرەبووکردنەوەی زەرەر و زیانەکانی قوربانیانی ئەمریکایی تێرۆریسم ئەنجامدرا .
پێشتر ڕۆژنامەی واشینتۆن پۆست ڕاپۆرتی دابوو کە وەزارەتی دەرەوەی دەوڵەتی دۆناڵد ترامپ بە تووندی خەریکی فشار خستنە سەری دەوڵەتی سوودان ە بۆ ڕاگەیاندنی ئاسایی کردنەوەی پەیوەندییەکانی لەگەڵ ئیسرائیل ە تاکوو ترامپ بتوانێت لەم ڕیگایەوە قازانج و بەرژەوەندی هەڵبژاردنەکانی بە دەست بهێنێت .
هەواڵە گرنگەکان
هەواڵە پەیوەندیدارەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە