بە بیر هێناوەی تێپەڕبوونی ٢٨ ساڵ بە سەر کۆڕەوەکەی کورد ، بوو زیاتر ئاوەدان کردنەوەی ووڵاتە ، با لە بیری نەکەین !!!

پەیامی کورد   ...   ئەمڕۆ ٢٨ ساڵ بەسەر کۆڕەوە ملیۆنییەکەی گەلی کوردستانی باشوور تێدەپەڕێت، کە بەو هۆیەشەوە سەدان ڕووداوی دڵ تەزێنی وەک شەهید کردنی هاووڵاتیان لە لایەن سەربازانی بەعسەوە شەهید کران و چەندین کارەساتی دیکەی دڵ تەزێن، کە بەو هۆیەوە بەسەر گەلی کورددا هات.

٢٨ ساڵ پێش ئێستا لە ٣١ی ٣ی ١٩٩١، ١٠ رۆژ دوای ڕاپەڕینە مەزنەکەی باشووری کوردستان و هێزەکانی پێشمەرگەی بەرەی کوردستانی، وە تواندرا زۆبەری خاکی باشووری کوردستان لە دەست هێزەکانی سەر بە ڕژێمی بەعسی عێراق ئازاد بکرێت، دواتریش رژێمی بەعس هێرشێکی فراوانی زەمینی و ئاسمانیی کردە سەر کوردستان، لە ئەنجامیشدا کۆڕەوە ملیۆنییەکەی لێکەوتەوە.

دەسەڵاتی ئەوکاتی عێراق بە سەرۆکایەتی سەدام حسێنی دیکتاتۆری لە سێدارەدراو، بە هەزاران تانک و زرێپۆش و فڕۆکە و هەلیکۆپتەری سەربازی، هێرشێکی زەمینی و ئاسمانی فراوانی کردە سەر شارەکانی کوردستان، لە بەرانبەریشدا، ملیۆنەها خەڵک لە کوردستانەوە، وەک نیشاندانی ناڕەزایی بەرانبەر بە ژێردەستەیی بەعس، ماڵ و شارەکانی خۆیان بەجێهێشت و ڕوویان لە سنوورەکانی ڕۆژهەڵات و باکووری کوردستان کرد، ژمارەیەکی زۆری خەڵکی کوردستانیش لەو رۆژەدا بە دەستی سەربازانی بەعس شەهید کران.

هەروەها خەڵکێکی زۆریش، بە تایبەت ئافرەت و منداڵ و پیر و پەککەوتە، بوونە قوربانی، هەربۆیەشە ئەو رووداوە، بە یەکێ لە رووداوە هەژێنەرەکانی ئەو قۆناغەی باشووری کوردستان ناسێندراوە، هاوکات خاوەنڕایانیش پێیان وایە، کە کۆڕەوی خەڵکی باشوور گەورەترین ناڕەزایی و یاخیبوونی مەدەنییە، کە بەرانبەر بە داگیرکەر ئەنجام درابێت.