بەپەلە ... کۆڵبەرێکی باشووری کوردستان لە لایەن هێزەکانی ئێرانەوە درایە بەر دەستڕێژی گوللە
هێزە چەکدارەکانی حکومەتی ئێران لە سنووری سەردەشت کۆڵبەرێکی خەڵکی باشووری کوردستانیان دایە بەر دەستڕێژی گوللە.
بەپێی هەواڵ و زانیارییەکان کاتژمێر ٢ی پاش نیوەڕۆی ڕۆژی سێشەممە " ٢٨ی ئۆگۆستی ٢٠١٨ " ، هێزە چەکدارەکانی ئێران لە سنووری قەڵادزێ و سەردەشت کۆڵبەرێکی کوردیان داوەتە بەر دەستڕێژی گولە و بە سەختی برینداریان کردووە.
یەکێک لە کادیرانی نەخۆشخانەی قەڵادزێ لەوبارەوە ڕایگەیاندوە : لە ئاکامی ئەو دەستڕێژییەدا، کۆڵبەرێک بە ناوی " ه . ڕ . ز " دانیشتووی گوندی سەرشێوی ناوچەی پشدەر بە سەختی بریندار بووە.
بە وتەی ناوبراو، ئەو کۆڵبەرە لاوە ٣ گولە بەر هەر دوو ڕان و سینگی کەوتووە و ئێستا لەژێر چاودێری پزیشکیدایە.
هەر ئەو ڕۆژە لە سەلاسی باوەجانی دوو کۆڵبەر بە تەقەی ڕاستەوخۆی هێزەکانی ئێران بریندار کرابوون .
هەواڵە گرنگەکان
هەواڵە پەیوەندیدارەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە