بەپەلە ... حەشدی شەعبی عێراقی لە شارەکانی ڕۆژهەلاتی کوردستان بە فراوانی جێگیر کراون بۆ شەڕی گەلی کورد

پەیامی کورد   ...   دوای جێگیر بوونی گرووپێکی هێزەکانی حەشدی شەعبی لە شاری شنۆ، هەواڵەکان باس لە جێگیر بوونی گرووپێکی دیکەی ئەو هێزە عێراقیەی نزیک لە ئێران لە نێوان شارەکانی سەقز و بۆکان دەکەن.

بەپێی هەواڵ و زانیارییەکان ، لەماوەی ڕۆژانی ڕابردوودا زیاتر لە ١٠٠ کەس لە هێزەکانی حەشدی شەعبی بە شێوەیەکی نهێنی لە نێوان شارەکانی سەقز و بۆکان جێگیر کراون.

فەرماندەیەکی سەربازی لە سەقز وێڕای پشتڕاستکردنەوەی ئەوهەواڵە ڕایگەیاندووە کە، ئەو هێزانە بە شێوەیەکی تەواو نهێنی لە کەمپی ناسراو بە ”کەمپی دیلە عێراقییەکان“ لە نێوان گوندەکانی ”سەرچاوە  و سەرا“ کە لە سەر جاددەی سەقز بۆ بۆکان هەڵکەوتووە، جێگیر بوونە.

ئەو سەرچاوەیە ڕێژەی چەکدارەکانی حەشدی زیاتر لە ١٠٠ کەس ڕاگەیاندووە کە هەموو جۆرە چەک و چۆڵێکیان پێیە  .

بە ووتەی ئەو سەرچاوە، ناوەندە ئەمنییەکان و هاوکات ئەندامانی لایەنە تووندئاژۆە ئیسلامییەکانی شاری سەقزیان چەکدار کردووە هەتا لە ئەگەری هەرجۆرە ناڕەزایەتییەک لەو کەسانە وەکوو ئامرازی سەرکوت و بە مەبەستی ترساندنی خەڵک کەڵکیان لێ وەربگرن.

 هەروەها هەندێک زانیاریش لە سەر جێگیربوونی ئەو هێزانە لە سنوورەکانی مەریوان و کرماشان بڵاو بووەتەوە لە ئەگەری زانیاری زیاتر ڕایدەگەینین  .....