بەپەلە ... سەرۆکوەزیرانی ئۆکراین دەستی لە کار کشاندەوە

پەیامی کورد    ...   ئاژانسە هەواڵییەکانی  جیهان بڵاویانكردەوە، ئەمڕۆ هەینی سەرۆكوەزیرانی ئۆكراین دەستی لە پۆستەكەی كێشاوەتەوە.

بەگوێرەی ئاژانسێکی هەواڵی رووسی، ئەمڕۆ هەینی ئەلێكسی گونتشاروك، سه‌رۆكوه‌زیرانی ئۆكراینا ده‌ستله‌كاركێشانه‌وه‌ی پێشكه‌شی فیلادیمێر زیلینسكی سه‌رۆكی ئۆكرانیا كردوە.
ئه‌لێكس گونتشارۆك له‌هه‌ژماری تایبه‌تی خۆی له‌تۆڕی كۆمه‌ڵایه‌تی تویتەر بۆ سەرۆكی ووڵاتەكەی نووسیویه‌تی، من دەستلەكاركێشانەوەم لە پۆستەكەم پێشكەشی ئێوە دەكەم و بە مافی ئەوەی دەزانم وازهێنانم لە پۆستەكەم پێشكەشی پەرلەمان بكەن بۆ پەسەندكردنی.
گونتشاروك پارێزەرو سیاسەتمەدار، تەمەنی ٣٦ ساڵەو لە رۆژی ٢٩ی ئابی ٢٠١٩ بوە سەرۆكوەزیرانی ئۆكراینا و بە بچوكترین كەس دادەنرێت لە مێژووی ئەو ووڵاتە كە ئەو پۆستەی وەرگرتوە.