گەرمیان/ لە شەوێکدا چوار بوومەلەرزە تۆمار کرا

پەیامی کورد ... گەرمیان/ لە شەوێکدا چوار بوومەلەرزە تۆمار کرا

چوار بومەلەرزە بەپلەى جیاواز ناوچەى گەرمیانى باشووری کوردستانیهەژاند، بەڵام هیچ زیانێکى لێنەکەوتەوە.

بەرێوەبەرایەتی گشتی کەشناسی و بومەلەرزەزانی هەرێمی کوردستان بڵاویکردەوە، کاتژمێرهەشت و٢٣خولەکى ئەمشەو بومەلەرزەیەک بەگوڕى ٤ پلە بەپیێوەرى رێختەر لەقەزاکانى کەلار و کفرى روویداوە.

بەپێى راگەیەنراوەکەى بەرێوەبەرایەتی گشتی کەشناسی و بومەلەرزەزانی هەرێمی کوردستان، بومەلەرزەکە به‌قوڵا‌يى٩ كیلۆمەتر و له‌دوورى٢٦كیلۆمەتر له‌قەزاى كه‌لار و لەدوورى٣٢كیلۆمەتر له‌قەزاى كفرى ڕوويداوە.

لەراگەیەنراوێکى دیکەدا کە چەند خولەکێک دواى راگەیەنراوى یەکەم بڵاوى کردوەتەوە بەرێوەبەرایەتی گشتی کەشناسی و بومەلەرزەزانی هەرێمی کوردستان رایگەیاندوە،دوا به‌دواى ئەو بومه‌له‌رزه‌یە سێ بومه‌لەرزه‌ي ديكه‌ لەهەمان ناوچە به‌ گوڕى ٢٠٩ و ٢.٥ و ٢.٧پله‌ به‌پێوه‌رى ڕێخته‌ر له‌ كاته‌كانى٨:٣٠ و ٨:٣٥ و٨:٤٣ به‌كاتى هه‌ولێر تۆمار کراوە.

بەپێى ئەو زانیاریانەی کە بڵاو بوونەتەوە، بومەلەرزەکان هیچ زیانێکى گیانى و مادیان لێنەکەوتوەتەوە.