وەزیری بازرگانی هەرێمی کوردستان کۆگا و بازاڕەکان بەسەر دەکاتەوە
پەیامی کورد... وەزیری بازرگانی هەرێمی کوردستان کۆگا و بازاڕەکان بەسەر دەکاتەوە
وەزیری بازرگانی و پیشەسازی حکومەتی هەرێمی کوردستان کۆگا و سایلۆ و سەنتەری بازاڕەکان بەسەر دەکاتەوە.
لە ڕاگەیەنراوێکدا وەزارەتی بازرگانی و پیشەسازی حکومەتی هەرێم بڵاویکردۆتەوە، کەمال موسلیم وەزیری بازرگانی و پیشەسازی بەمەبەستی چاودێریکردنی خۆراک سەردانی چەندین کۆگا و کارگە و بازاڕیان کردووە.
ڕاشگەیەنراوە، سەردانەکە بەمەبەستی لە نزیکەوە ئاگاداربوون بووە لە پێداویستی خۆراک لە کۆگاکان و دابەشکردنی و چاودێریکردنی پاراستنی پێداویستی ڕۆژانەی خۆراک بۆ هاووڵاتییان.
وەزارەتی بازرگانی ئاماژەی لەوەشکردوە کە لە سەردانەکەیدا وەزیری بازرگانی جەختی لەسەر دابینکردن و هەبوونی خۆراکی پێویست لە کۆگاکان کردووەتەوە و ڕێنماییش دراوە کە چاودێری بازاڕەکان بکرێت تاوەکوو بە هیچ شێوەیەک گرانی و هەڵاوسان لە نرخی شتومەک ڕوو نەدات و خۆراک لە کۆگاکان دابیین بکرێت بۆ ئەوەی گرفت لە بوونی خۆراک دروست نەبێت.
هەواڵە گرنگەکان
هەواڵە پەیوەندیدارەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە