سەرۆكی ئەمریكا به‌ڵێنی سه‌پاندنی سزای زۆر قورس به‌سه‌ر رووسیا دەدات

پەیامی کورد... سەرۆكی ئەمریكا به‌ڵێنی سه‌پاندنی سزای زۆر قورس به‌سه‌ر رووسیا دەدات

سه‌رۆكی ئه‌مه‌ریكا له‌ پۆڵه‌ندا ڕایدەگەیەنێت پوتین پێی وابوو سته‌مكارانی هاوشێوه‌ی خۆی كه‌سانێكی سه‌رسه‌ختن و ده‌توانن چی پێیان خۆش بێ ده‌سته‌به‌ری بكه‌ن، ووتیشی ئەمریكا بەتەواوی پشتیوانی لە ئۆكراینا دەكات.

جۆ بایدن سه‌رۆكی ئه‌مه‌ریكا ڕایگەیاند: به‌ڵێنی داوه‌ سزای زۆر قورس به‌سه‌ر رووسیادا بسه‌پێنێت و ده‌ره‌نجامی ئه‌و سزایانه‌ش وا ده‌كات، رووسیا به‌ ئاسانی به‌ ئامانجه‌كانی نه‌گات.

ئەوەشی خستەڕوو: پوتین پێی وابوو سته‌مكارانی هاوشێوه‌ی خۆی كه‌سانێكی سه‌رسه‌ختن و ده‌توانن چی پێیان خۆش بێ ده‌سته‌به‌ری بكه‌ن، به‌ڵام ئه‌مجاره‌ له‌گه‌ڵ ئیراده‌ی پۆڵاینی ئه‌مه‌ریكا و هاوپه‌یمانه‌كانی رووبه‌ڕوو بووه‌.''

ڕوونیشی كردەوە: ئەمریكا بەتەواوی پشتیوانی لە ئۆكراینا دەكات و ئه‌و پشتیوانییه‌ هیچ كاتێك له‌رزۆك نابێت و درێژه‌ی پێ ده‌درێ.

جۆ بایدن له‌ دیداریدا له‌گه‌ڵ زیلینسكی ئاماژەی بەوەكرد: جگه‌ له‌ پێدانی 500 ملیۆن دۆلار، كۆمه‌ڵێك چه‌ك و پێداویستی سه‌ربازی پێشكه‌شی ئۆكراینا ده‌كات، ووتیشی :‌ له‌ ئۆكراینا هێشتا دیموكراسی به‌رده‌وامه‌، چونكه‌ ئه‌و وڵاته‌ توانیویه‌تی له‌سه‌ر پێی خۆی بوه‌ستێت.

شایەنی باسە جگه‌ له‌ ئه‌مه‌ریكا، وڵاتانی تری رۆژئاوا تانك و پێداویستی سه‌ربازی بۆ ئۆكراینا ده‌نێرن و ده‌یانه‌وێ پێش ئه‌وه‌ی رووسیا ده‌ست به‌ هه‌ڵمه‌تێكی سه‌ربازی بكات، ئه‌وا ئۆكراینا بتوانێ ئه‌و خاكه‌ ئازاد بكات كه‌ رووسیا ده‌ستی به‌سه‌ردا گرتووه‌.