نێچیرڤان بارزانی هەوڵی تیرۆرکردنی کازمی سەرکۆنە کرد

پەیامی  کورد … نێچیرڤان بارزانی هەوڵی تیرۆرکردنی کازمی سەرکۆنە کرد

سەرۆکی هەرێمی کوردستان سەرکۆنەی هەوڵی تیرۆرکردنی سەرۆک وەزیرانی عێراق دەکات.

بەرەبەیانی ئەمڕۆ یەکشەممە 7-11-2021، فڕۆکەیەکی بێفڕۆکەوانی بۆمبڕێژکراو بە ماڵی مستەفا کازمی، سەرۆک وەزیرانی عێراق لە ناوچەی سەوزی بەغدادا تەقێندرایەوە و بەهۆیەوە ژمارەیەک پاسەوانی بریندار بوون.

نێچیرڤان بارزانی، سەرۆکی هەرێمی کوردستان لە هەژماری تایبەتیی خۆی لە تۆڕی کۆمەڵایەتیی (تویتەر)، رایگەیاندووە: سوپاس بۆ خودا مستەفا کازمی لەو هەوڵەی تیرۆرکردن بە سەلامەتی دەربازی بوو.

نێچیرڤان بارزانی وێڕای سەرکۆنەکردنی هەوڵی تیرۆرکردنی کازمی، رایگەیاندووە: ئەو رووداوە پێشهاتێکی مەترسیدارە کە ئاسایش و سەقامگیری لە وڵاتدا دەکاتە ئامانج و ئاماژە بە دەرەنجامی مەترسیدار دەدات.

سەرۆکی هەرێمی کوردستان داواشی لە هەموو لایەنەکان کردووە دان بەخۆیاندا بگرن و رەوشەکە هێور بکەنەوە.