نەتەوە یەكگرتووەكان: عێراق بەدەست قەیرانێكی ڕاستەقینەی ئاوەوە دەناڵێنێ

پەیامی کورد... نەتەوە یەكگرتووەكان: عێراق بەدەست قەیرانێكی ڕاستەقینەی ئاوەوە دەناڵێنێ

نوێنەری نەتەوە یەكگرتووەكان لە عێراق ئاشكرای كرد ،عێراق بەدەست قەیرانێكی ڕاستەقینەی ئاوەوە دەناڵێنێت و دەشڵێت، عێراق پێویستی بە پاڵپشتیی نێودەوڵەتی و وڵاتانی دراوسێیە تاوەكو لەو قەیرانە رزگاری بێت.

جنین بلاسخارت، نوێنەری نەتەوە یەكگرتووەكان لە عێراق، بە ئاژانسی هەواڵی عێراقی ڕاگەیاند: "پێویستییەكی بەپەلە هەیە بۆ دۆزینەوەی چارەسەر بۆ قەیرانی ئاو لە عێراقدا، چونكە عێراق بەدەست قەیرانێكی راستەقینەوەی ئاوەوە دەناڵێنێ."

ئاماژەی به‌ ئه‌وه‌ش دا: "پێویستە هەموومان هەنگاو بنێین بۆ ئەوەی چارەسەر بدۆزینەوە، چونكە عێراق ناتوانێت بە تەنیا ئەم كارە بكات."

بلاسخارت جەختیشی كردەوە: عێراق پێویستی بە پاڵپشتییە، لە لایەن ڕێكخراوە نێودەوڵەتییەكان و دامەزراوە داراییە نێودەوڵەتییەكان و وڵاتانی دراوسێ و ئەوانی دیكە تاوەكو لەو قەیرانە رزگاری بێت.

نوێنەری نەتەوە یەكگرتووەكان روونیشی كردەوە: "لێرەین بۆ دروستكردنی هاوبەشی ئەوەی نەتەوە یەكگرتووەكان دەتوانێت پێشكەشی بكات ئەوەیە كە هاوبەشێكی گرنگ بین كە داوای گفتوگۆی كاریگەر دەكات و هاوكاری تەكنیكی پێشكەش بكات سەبارەت بەو شتانەی كە لەژێر دانوستاندان."

روونیشیكرده‌وه‌: "زۆر دەزگا و بودجە و بەرنامە هەیە بۆ یارمەتیدانی عێراق بۆ كەمكردنەوەی كاریگەرییەكانی گۆڕانی كەشوهەوا و گونجاندن لەگەڵیدا."

یەدەگی ئاوی عێراق نزیكەی20 ملیارمەتر سێجایە، لە كاتێكدا پێویستی ساڵانەی ئاو نزیكەی 45 ملیار مەتر سێجایە، بۆیە شارەزایان جەخت دەكەنەوە ئەو دۆخە عێراق بەرەو قەیرانی كارەساتبار دەبات.