چوار کۆڵبەر لە بەر هێرشی چەکدارانی ئێران بوونە قوربانی کە دوو کەسیان لە سەرما ڕەق بوونەوە

پەیامی کورد  ...  بە هۆی تەقەی ڕاستەوخۆی هێزە چەکدارەکانی ئێران لە سنووری بانە دوو کۆڵبەر بە سەختی بریندار بوون و دوو کۆڵبەری دیکەش لەکاتی هەڵهاتن ڕێگایان ون کردووە و ڕەق بوونەتەوە.

لە ڕاپۆرتێکدا ئێوارەی دوێنێ دووشەممە " ٢٨ی جانیوەری ٢٠١٩ " ، لە گوندی بڕوێشکانێ سەر بە بەشی نەنۆڕی بانە دەستەیەک لە کۆڵبەران کەوتنە بەر هێرشی هێزە چەکدارەکانی ئێران و لە ئاکامدا دوو کۆڵبەر بە سەختی بریندار بوون کە ئێستا لە نەخۆشخانەی سەلاحەدینی ئەیووبی بانە لە ژێر چاودێری پزیشکیدان و باری تەندروستی یەکێکیان ناجێگیرە.

دەستەیەکی دیکەی ئە وکۆڵبەرانە لە ترسی هێزەکانی ئێران لە ڕێگای سەرەکی لایان داوە و لە ئاکامدا ڕێگایان وون کردووە و دوو کەسیان بە هۆی سەرماوە گیانیان لە دەست داوە.

هەواڵەکان باس لەوە دەکەن کە کۆڵبەرێکی دیکەش چارەنووسی نادیارە و هەوڵەکان بۆ دۆزینەوەی ناوبراو بەردەوامە.