سیستەمی نوێی مووچە وەزارەتی پێشمەرگە ناگرێتەوە

فەریق جەبار یاوەر ئەمینداری گشتی وەزارەتی پێشمەرگەی حكومەتی هەرێمی كوردستان سەبارەت بە موچەی هێزەكانی پێشمەرگە لە كۆنفرانسێكی رۆژنامەوانیدا لە سلێمانی قسەی كرد.

روونیكردەوە، لەو گۆڕانكارییە نوێیەدا كە حكومەتی هەرێمی كوردستان لە پاشەكەوتدا كردوویەتی، وەزارەتی پێشمەرگەی تیا نییە.

وتیشی: هیوادارین هەفتەی داهاتوو لەگەڵ وەزارەتی دارایی كۆببینەوە و لەسەر بابەتی پاشەكەوتی هێزەكانی پێشمەرگە گفتوگۆ بكەین.

فەریق جەبار یاوەر لەبارەی گەرانەوەی پێشمەرگەیش بۆ ناوچە جێناكۆكەكان وتی” تا ئێستا هیچ بڕیارێك نییە بۆ گەڕانەوەی هێزەكانی پێشمەرگە بۆ ناوچە جێناكۆكەكان”.