سەرۆککۆماری عێراق فوئاد مەعسوم دڵنیایی دەداتە پێشمەرگە کە ڕێگە نادەن دەنگیان هەڵبوەشێتەوە

ڕۆژی چوارشەممە 13/6/2018 بە بەشداریی سەدان پێشمەرگە و ئەفسەر لەبەردەم نووسینگەی پەرلەمانی عێراق لە سلێمانی، خۆپیشاندانێکی ناڕەزایی دژ بە هەڵوەشاندنەوەی دەنگی پێشمەرگە ئەنجام درا

سەرۆک کۆماری عێراق دوای ئەم خۆپیشاندانە هەڵوێستی خۆی نیشاندا و ، ڕایگەیاند، ھەڵوەشاندنەوەی دەنگی ھێزەکانی پێشمەرگە و ھێزە ئەمنییەکانی ھەرێمی کوردستان، سەرکەووتو نابێ و ھەڵناوەشێتەوە.

فوئاد مەعسوم، سەرۆک کۆماری عێراق، لە وەڵامی پرسیارێکی ڕایگەیاند: ”ھەرچەندە باس لە ھەڵوەشاندنەوەی دەنگە تایبەتەکانی کوردستان دەکرێت، بەڵام ھەڵوەشاندنەوەی دەنگی ھێزی پێشمەرگە سەرکەوتوو نابێ و ھەڵناوەشێتەوە“.

سەرۆک کۆماری عێراق، ئەوەشی خستە ڕوو، کە داواکارییان پێشکەش کردووە، بۆئەوەی دەنگی ھێزی پێشمەرگە و ھێزە ئەمنییەکانی کوردستان، ھەڵنەوەشێتەوە.

.