تەقینەوەی مین لە دەربەندیخان قوربانی لێکەوتەوە

پەیامی کورد … تەقینەوەی مین لە دەربەندیخان قوربانی لێکەوتەوە

هاوڵاتییەك كە پیشەی شوانییە، لە سنووری دەربەندیخان لەكاتی گەڕاندنەوەی ئاژەڵەكانی مین پیایدا تەقیوەتەوە و بە سەختی بریندار بووە.

بەگوێرەی ئەو زانیارییانەی کە بڵاو بوونەتەوە، ڕۆژی یەكشەممە ١٤ی شووبات، هاوڵاتییەكی بە ناوی “عەلی حاجی قادری سیارەیی” لەکاتی گەڕانەوەی ئاژەڵەکانیدا لە گوندی زارێنی ناوچەی شەمێران لە دەربەندیخان مین پیایدا تەقیوەتەوە.

بەهۆی كاریگەریی مینەكەوە، ئەو هاوڵاتییە بە سەختی برینداربووە و قاچێكی لەدەستداوە.