کاتی هەناردەکردنی بوودجە هەرێمی کوردستان لە بەغداوە ئاشکرا دەکرێت

پەیامی کورد    ...    کاتی هەناردەکردنی بوودجە هەرێمی کوردستان لە بەغداوە ئاشکرا دەکرێت 

بڕیاردەری لیژنەی دارایی لە پەرلەمانی عێراق رایگەیاند، لیژنەیەك درووست كراوە و سەرقاڵی ئەوەیە پڕۆژەیاسایەك ئامادە بكات، بۆ ئەوەی دوای جەژن رەوانەی پەرلەمانی بكات و بۆ پشكی هەرێمیش گەیشتوونەتە ئەنجامی باش.

د. ئەحمەد سەفار، بڕیاردەری لیژنەی دارایی لە پەرلەمانی عێراق ڕایگەیاند : "دوای پێكهێنانی حكوومەتی نوێی عێراق، لیژنەیەك لە وەزارەتی دارایی درووست كراوە، بۆ ئەوەی پڕۆژەیاسایەك بۆ ماوەی شەش مانگی ئەمساڵ ئامادە بكات و دوای جەژنی ڕەمەزان ڕەوانەی پەرلەمانی بكات، تا دەنگی لەسەر بدرێت و پەسەند بكرێت".

بڕیاردەری لیژنەی دارایی گوتیشی: "بۆ پشكی هەرێمی كوردستان و ئەو رێككەوتنەی لە نێوان هەرێم و بەغدا لە ڕابردوودا كراوە، پرسێكی سیاسییە و گفتوگۆش لە نێوان هەرێم و بەغدا كراوە و ئەنجامی باشی هەبووە، بۆیە چاوەڕێ دەكرێت بگەنە ئەنجامێك".