نێچیرڤان بارزانى سەرۆکی هەرێمی کوردستان لهگهڵ شاندێكى سهربازی هاوپەیمانان كۆبووهوه
پەیامی کورد ... نێچیرڤان بارزانى سەرۆکی هەرێمی کوردستان لهگهڵ شاندێكى سهربازی هاوپەیمانان كۆبووهوه
پاشنیوەڕۆى ئهمڕۆ چوارشهممه 2021/7/14 نێچیرڤان بارزانى، سهرۆكى ههرێمى كوردستان، پێشوازى له ژەنهراڵ ڕیچارد بێڵ، جێگرى فهرماندهى هێزهكانى هاوپهیمانان له عیراق و سووریا و شاندێکى یاوەرى كرد.
له كۆبوونهوهیهكدا دوایین پهرهسهندنهكانى شهڕى تیرۆر و ههڕهشه و مهترسییهكانى داعش له عیراق و سووریا، هاریكارى و ههماههنگی پێشمهرگه و سوپاى عیراق و ئهركى هاوپهیمانی نێودهوڵهتی دژى داعش تاوتوێ كران و هەڵسەنگاندنێکى واقعییان بۆ دۆخەکە کرد.
سەرۆک نێچیرڤان بارزانى سوپاسى پشتگیری هاوپەیمانی نێودەوڵەتى بۆ عیراق و هەرێمى کوردستان لە شەڕى دژى داعشدا کرد و ئاماژەى بە گرینگی ڕاهێنان و مەشقپێکردنى پێشمەرگە لەلایەن هێزەکانى هاوپەیمانی نێودەوڵەتییەوە کرد.
لاى خۆیەوە ژەنەراڵ بێڵ خۆشحاڵی خۆى بۆ هاریکارى و هەمەهانگی هێزەکانیان لەگەڵ لایەنە پەیوەندارەکان لە عیراق و هەرێمى کوردستان نیشان دا و هەماهەنگى و هاریکاری نێوان پێشمەگە و سوپاى عیراقیان بۆ بەرەنگاربوونەوەى داعش بە پێویست زانى.
هەردوولا لەسەر گرینگی و پێویستی هاریکارى و هەماهەنگی عیراق و هەرێمى کوردستان لەگەڵ هاوپەیمانی نێودەوڵەتى بۆ بنەبڕکردنى یەکجارەکی داعش و هاریکارى و هاوبەشى لەپێناو دابینکردنى ئارامى و سەقامگیرى لە عیراق و ناوچەکە، هاوڕا بوون.
هەواڵە گرنگەکان
هەواڵە پەیوەندیدارەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە