پەیامی کورد   ...   ترامپ : ئەگەر زوکەربێرگ خاوەنی ئینستاگرام دیسان دەستوەردان لە هەڵبژاردنەکانی ئەمریکا بکات ، ببمەوە سەرۆککۆمار، تا کۆتایی تەمەنی دەیخەمە زیندان

مارک زوکەربێرگ بەڕێوبەری جێبەجێکاری کۆمپانیای مێتا دانی بەوەدانا کە فەیسبووک لە سەردەمی کۆرۆنادا لەلایەن ئیدارەی بایدن ەوە فشارێکی زۆری لەسەر بووە.
لە بەرامبەردا دۆناڵد ترامپ، سەرۆکی پێشووی ئەمریکا، بانگەشەی خۆی زیندوو کردەوە کە ساختەکاری لە هەڵبژاردنەکانی ساڵی ٢٠٢٠دا کراوە و ئەو ئاشکراکردنەی بە "هەموو کەس چاوەڕێی کردووە".
دوای زیاتر لە ساڵێک لە پێشکەشکردنی هەزاران بەڵگەنامە بۆ لێکۆڵینەوەیەک سەبارەت بە میانڕەوی ناوەڕۆک لە میدیاکانیدا، زوکەربێرگ لە نامەیەکدا بۆ جیم جۆردن سەرۆکی لیژنەی دادوەری ئەنجوومەنی نوێنەران دان بەو پرسەدا نا.
ئاشکراشی کرد، بەرپرسانی باڵای ئیدارەی بایدن و کۆشکی سپی بۆ چەند مانگێک فشاریان خستووەتە سەر تیمەکانی فەیسبووک بۆ سانسۆرکردنی هەندێک ناوەڕۆکی پەیوەست بە ڤایرۆسی کۆرۆنا، لەوانە نوکتە و ناوەڕۆکی پەیوەست بە لاپتۆپی هانتەر بایدن، کوڕی جۆ بایدن، سەرۆکی ئەمریکا
لە ووڵامی دانپێدانانەکانی ئەم دواییەی دامەزرێنەری مێتا، ترامپ لە پۆستێکدا لە پەیجی ئێکس دا نووسیویەتی : زوکەربێرگ دانی بەوەدا ناوە کە لەلایەن کۆشکی سپییەوە فشاری لەسەر بووە بۆ سەرکوتکردنی ناوەڕۆکی پەیوەست بە چیرۆکی لاپتۆپی هانتەر بایدن (و تەنانەت زیاتریش). بە واتایەکی تر ساختەکاری لە هەڵبژاردنی سەرۆکایەتی ساڵی ٢٠٢٠ کرا”.
هەروەها ترامپ وتارێکی پێشکەش بە کەناڵی فۆکس نیووز، نیویۆرک پۆست، ئەندامی کۆنگرێسی ئەمریکا لۆرێل لی و لیژنەی دادوەری ئەنجوومەنی نوێنەران کرد و بانگهێشتی کرد بۆ کاردانەوە و لێکۆڵینەوەی زیاتر.
سەرۆکی لیژنەی دادوەری لە ئەنجوومەنی نوێنەران "ئۆردن"ی کۆماریخوازی ترامپ ە، لەلایەکی دیکەشەوە لۆرێل لی چەندین جار بانگەشەی ئەوەی کردووە کە بایدن و کوڕەکەی دەستوەردانیان لە پرۆسەی هەڵبژاردنەکانی ساڵی ٢٠٢٠دا کردووە بە دەرکەوتنیان لە بەرنامەکانی تۆڕی فۆکس.
هەروەها فۆکس نیوزی ئەمریکی یەکێکە لە لایەنگرانی ترامپ.
ڕۆبێرت ئێف. کێنێدی جونیۆر کاندیدی پێشووی سەرۆکایەتی ئەمریکا بۆ ساڵی ٢٠٢٤ کە لە کێبڕکێکە لە بەرژەوەندی ترامپ کشایەوە، کاردانەوەی بەرامبەر بە سانسۆرکردنی ناوەڕۆکی زوکەربێرگ نیشان دا و بە گاڵتەجاڕیەوە ووتی: پێدەچێت مارک زوکەربێرگ پەیوەندی بە ڕیزەکانی تیۆریستەکانی پیلانگێڕی گەمژەکانەوە کردبێت کە بانگەشەی ئەوە دەکەن کە ئیدارەی بایدن فشاری خستووەتە سەر فەیسبووک بۆ سانسۆرکردن ناکۆکی لە سەردەمی Covid.
زوکەربێرگ لە نامەکەیدا ڕایگەیاندووە کە لەگەڵ هیچ کام لە کاندیدەکانی ئێستای هەڵبژاردندا نییە و هیچ هەنگاوێک لە بەرژەوەندی هیچ کام لە لایەنەکان ناگرێتەبەر؛ بەڵام بڵاوبوونەوەی ئەم نامەیە لە سەروبەندی هەڵبژاردنی 5ی تشرینی دووەمی 2024 دۆخەکەی بۆ ترامپ ئاسانتر کردووە.
لە ووڵامی نامەکەی ئەم دواییەی خاوەنی فەیسبووک، ووتەبێژی کۆشکی سپی ڕایگەیاندووە، لە مامەڵەکردن لەگەڵ پەتای کوشندەی کۆرۆنا، حکوومەت هانی ڕێوشوێنی بەرپرسیارانەی داوە بۆ پاراستنی تەندرووستی و ئاسایشی گشتی.
ناوبراو ڕایگەیاند: هەڵوێستی ئێمە بەرامبەر بە تۆڕە کۆمەڵایەتییەکان هەمیشە ڕوون و یەکگرتوو بووە. ئێمە پێمان وایە کە کۆمپانیاکانی تەکنۆلۆژیا و ئەکتەرەکانی تری کەرتی تایبەت دەبێ بڕیاری سەربەخۆ بدەن سەبارەت بەو زانیاریانەی کە پێشکەشی دەکەن؛ کاریگەری ڕەفتارەکانیان لەسەر گەلی ئەمریکا لەبەرچاو بگرن.
هاوکات فەیسبووک هیچ لێدوانێکی لەسەر ئەم نامەیە نەداوە.