سەرۆك بارزانی پێشوازی لە باڵیۆزی هۆڵەندا لە عێراق کرد
پەیامی کورد ... سەرۆك بارزانی پێشوازی لە باڵیۆزی هۆڵەندا لە عێراق کرد
ڕۆژی دووشەممە 23ی ئەیلوولی 2024 لە سەلاحەددین سەرۆك مەسعوود بارزانی پێشوازی لە خاتوو جانێت ئەلبێردا باڵیۆزی هۆڵەندا لە عێراق كرد.
لە دیدارەكەدا كە رولیوڤ ڤان ئیس كونسووڵی گشتی هۆڵەندا لە هەولێر ئامادەی بوو، باڵیۆزی هۆڵەندا لە عێراق پێزانینی هەبوو بۆ ڕۆڵی سەرۆك بارزانی لە سەركردایەتیكردنی شەڕی دژی تیرۆریستانی داعش و هەروەها ئاماژەی بە بەرەو پێشەوەچوونی پەیوەندییەكانی نێوان وڵاتەكەی و هەرێمی كوردستان لە بوارە جیاجیاكان دا. لە بەشێكی تری ئەو دیدارەدا كونسوڵی هۆڵەندا خۆشحاڵیی خۆی ڕاگەیاند بە ئەنجامدانی هەڵبژاردنی پەرلەمانی كوردستان لە ئۆكتۆبەری داهاتوو و هیواشی خواست ئەنجامەكانی هەڵبژاردن ببێتە هۆی بەهێزبوونی دامەزراوەكان و سەقامگیری زیاتر لە هەرێمی كوردستان.
هەر لەو دیدارەدا تیشک خرایە سەر بارودۆخی سیاسی عێراق و ناوچەكە و دەرئەنجامەكانی دوایین سەردانی سەرۆك بارزانی بۆ بەغدا و پەیوەندییەكانی نێوان حكوومەتی هەرێمی كوردستان و حكوومەتی عێراقی فیدڕاڵ و هەروەها بارودۆخی ناوخۆی هەرێمی كوردستان
ئەم بابەتە 52644 جار خوێندراوەتەوە