پەیامی کورد   ...   فوئاد حسێن : کێشەی مووچەی مانگی ٧ چارە کراوە و مووچەی مانگی ٨ یش چارە دەکەین

وەزیری دەرەوە و جێگری سەرۆکوەزیرانی عێراق دەڵێت: کێشەی مووچەی مانگی حەوتی مووچەخۆرانی هەرێمی کوردستان چارە کراوە و لەم چەند ڕۆژەدا دەنێردرێت، هاوکات لە هەوڵ داین کێشەی مووچەی مانگی هەشتیش چارە بکەین و بۆ ئەوەی بەم نزیکانە بنێردرێت.

فوئاد حسێن، وەزیری دەرەوە و جێگری سەرۆکوەزیرانی عێراق، لە کۆنفرانسێکی ڕۆژنامەوانیدا، ڕایگەیاند، کۆبوونەوەیەکی زۆر ئەرێنیمان هەبوو، کۆبوونەوەکە دەربارەی بوودجە و مووچە بوون، هاوکات باس لە کێشەکان و چارەسەرییەکانیش کران.

وەزیری دەرەوەی عێراق، دەڵێت: بڕیاردرا هەموو پەرلەمانتارە کوردەکان پێکەوە کار بکەن لەبارەی چارەکردنی کێشەی مووچەی مووچەخۆرانی هەرێمی کوردستان، هەروەها وەزیرە کوردەکانیش ڕۆڵی خۆیان ببینین لە چارەکردنی کێشەکان.

لەبارەی مووچەی مانگی حەوت، فوئاد حسێن، ووتی : کێشەی مووچەی مانگی حەوت چارە کراوە و لەم چەند ڕۆژەدا دەنێردرێت.

هاوکات گوتیشی: بۆ کێشەی مووچەی مانگی 8 لە هەوڵداین بۆ ئەوەی چارەی بکەین تا بەم نزیکانە بنێردرێت.