نێچیرڤان بارزانی له‌گه‌ڵ باڵیۆزى ئه‌مریكا كۆبووه‌وه
پەیامی کورد ... نێچیرڤان بارزانی له‌گه‌ڵ باڵیۆزى ئه‌مریكا كۆبووه‌وه
ئێواره‌ى شه‌ممه 2024/3/30 نێچیرڤان بارزانى، سه‌رۆكى هه‌رێمى كوردستان پێشوازى له خاتوو ئەلینا ڕۆمانۆوسكى، باڵیۆزى ئه‌مریكا له عێراق كرد.
له كۆبوونه‌وه‌یه‌كدا دوایین پێشهاته‌كانى دۆخى سیاسى و ناوخۆى عێراق و هه‌رێمى كوردستان، په‌یوه‌ندییه‌كانى هه‌ولێر ـ به‌غدا، پرسى هه‌ڵبژاردنى په‌رله‌مانى كوردستان و په‌یوه‌ندییه‌كانى ئه‌مریكا له‌گه‌ڵ عێراق و هه‌رێمى كوردستان، تاوتوێ كران.
هه‌ردوولا بیروڕایان ده‌رباره‌ى گرینگی هه‌ڵبژاردنى په‌رله‌مانى كوردستان و تێبینى و نیگه‌رانی لایه‌نه‌كان گۆڕییه‌وه و جه‌ختیان له چاره‌سه‌ركردنى كێشه‌كانی هه‌ولێر ـ به‌غدا له‌سه‌ر بنه‌ماى ده‌ستوور و پاراستن و مسۆگه‌ری مافى هه‌مووان كرده‌وه.
مه‌ترسى و هه‌ڕه‌شه‌كانى تیرۆر و چه‌ند پرسێكى دیكه‌ى جێى بایه‌خى هه‌ردوولا، ته‌وه‌رێكى دیكه‌ى كۆبوونه‌وه‌كه بوو.
سەرۆکایەتی هەرێمی کوردستان - عێراق
ئەم بابەتە 96372 جار خوێندراوەتەوە