Di encama topbarana Eyn Îsayê de jinek û ciwanek birîndar bûn

PeyamaKurd – Hat ragihandin ku di encama topbarana artêşa Tirkiyê û komên çekdar a îro 3yê Çile bi ser bajaroka Eyn Îsa ya Rojavayê Kurdistanê de, 2 kesên sivîl birîndar bûn.

Topbarana bajaroka Eyn Îsayê îro dîsa dest pê kiriye û artêşa Tirk û komên çeçkdarên bi ser wê ve, bê navber derdora navenda bajaroka Eyn Îsayê û cihê Lîwaya 93an topbaran dikin.

Li gorî zanyariyên xwecihî, di encama topbaranê de jineke bi navê Letîfa EL-Şedad (45 salî) û ciwanê bi navê Qusey Hesen (23 salî) birîndar bûn.

Herdu birîndar bo nexweşxaneyên Eyn Îsayê hatin veguhesti.

Çavkaniyên herêmê radigihînin ku topbaran heta êvarê jî berdewam e.