Li Şamê bi ahengekê rojbûna Barzaniyê Nemir hate pîrozkirin

PeyamaKurd - Encûmena Niştimanî ya Kurd li Sûriyê (ENKS), salvegera ji dayikbûna rêberê Tevgera Rizgariya Kurdistanê Mele Mistefa Barzanî, bi merasîmeke taybet li bajarê Şamê pîroz kir.

Di ahengê de beşdaran bal kişand ser berdewamiya têkoşîna li ser rêya azadî û dadperweriyê û ev salveger wek nûkirina peymana ji bo nirxên niştimanî pênase kir.

Di ahengê de, hejmarek zêde ji kesayetên navdar û Kurdên ku li Şama paytexta Sûriyê dijîn hatin ba hev.

Amadekarên çalakiyê tekez kirin ku ev civîn ne tenê merasîmeke asayî ya bîranînê ye, lê belê nûkirina soza dilsoziyê ye ji bo wan prensîbên mirovî û neteweyî yên ku rêberê nemir hemû jiyana xwe di ber wan de feda kiriye.