Binpêkirina agirbestê li Sûriyê: Hêzên ewlehiyê li Suweydayê kirin armanc

PeyamaKurd – Televîzyona dewletê ya Sûriyê ragihand ku du endamên hêzên ewlehiyê li gundê Rîme Hazm, ku li gundewarê rojavayê parêzgeha Suweydayê li başûrê Sûriyê ye, hatine kuştin.

Raporta medyaya fermî diyar kir ku her du efser di encama gulebarana komên ku wekî "çeteyên neqanûnî" hatine binavkirin de mirine. Herwiha destnîşan kir ku ev hewldanek pêşveçûnê li ser çeperên hêzên ewlehiyê bû, ku wekî binpêkirinek nû ya agirbestê tê hesibandin.

Di heman demê de, Sky News Arabia ragihand ku hêzên ku wekî "Parêzvanên Neteweyî" têne zanîn, ku bi rêberê giyanî yê Durzî Şêx Hîkmet el-Hîcrî ve girêdayî ne, bi çekên giran (Doçka) bajarokê Mezraa, li rojavayê Suweydayê, hedef girtin.

Hikûmeta Sûriyê komîteyek lêpirsînê ya neteweyî ava kiribû da ku rastiyê eşkere bike û kesên berpirsiyarê pevçûnên tund ên li parêzgeha Suweydayê di Tîrmeha 2025an de, ku di encamê de bi dehan kes mirin, darizandin.

Pevçûnên di navbera eşîrên bedewî û komên Durzî yên herêmî de tirsên ji pevçûnên mezhebî li vê herêma hesas, ku piraniya nifûsê Durzî me, zêde kir. Rageşiya ku bû sedema destwerdana navneteweyî di bin çavdêriya Urdun û Dewletên Yekbûyî yên Amerîkayê de, bû sedema mirina zêdetirî 50 kesan, birîndarbûna bi sedan kesan û koçberbûna bi hezaran kesan. Raportan herwiha bûyerên wekî desteserkirina mûçeyên karmendên giştî, wêrankirina milkê, kuştinên bê daraz û revandin belge kirin.

Ev pêşketin bûn sedema îmzekirina çar peymanên agirbestê yên cuda ji bo kontrolkirina krîzê.û civînek sêalî li Urdunê di Tebaxa 2025an de ku Sûriye, Urdun û Dewletên Yekbûyî yên Amerîkayê tê de beşdar bûn.