Çînê hisyarî da Japonyayê!

PeyamaKurd – Wezîrê Derve yê Çînê Wang Yi diyar kir ku gotinên Serokwezîrê Japonyayê Sanae Takaichi yên ku behsa îhtîmala destwerdana leşkerî di mijara Taywanê de dikin, xêzek sor derbas kiriye ku divê di têkiliyên di navbera herdu welatan de neyê dest lê dan.

Li gorî daxuyaniyek ji aliyê Wezareta Derve ya Çînê ve hatî weşandin, Wezîr Wang Yi bûyerên heyî piştî serdanên xwe yên welatên Asyaya Navîn Kirgizistan, Ozbekistan û Tacîkistanê nirxand.

Di derbarê gotinên Serokwezîrê Japonyayê Sanae Takaichi de ku bûne sedema aloziyên dîplomatîk di navbera herdu welatan de, Wang got, "Serokê niha yê Japonyayê bi eşkereyî sînyala xelet da ku ew ê hewl bidin destwerdana leşkerî di mijara Taywanê de bikin, tiştên ku divê negota gotine got û xêzek sor derbas kir ku divê neyê dest lê dan. Çîn divê bi biryardarî bersivê bide."

Wang tekez kir ku Japonya, wekî neteweya têkçûyî ya Şerê Cîhanê yê Duyemîn, divê pabendî peymanên navneteweyî yên ku vegera Taywanê piştî şer garantî dikin, wekî Danezana Qahîreyê, Danezana Potsdamê û Peymana Teslîmbûna Japonyayê, be. Wî got, "Divê Japonya bi rabirdûya xwe ya êrîşkar, dagirkirin û kolonyalîzma xwe ya li ser Taywanê û sûcên şer ên ji ber berfirehbûna leşkerî rû bi rû bimîne."

Wezîr Wang diyar kir ku wan ji Japonya xwestiye ku li ser şaşiyên xwe bifikire û got, "Ger Japonya li ser rêya xelet israr bike û vê helwesta xwe bidomîne, hemû welat û gelên ku edaletê diparêzin mafê wan heye ku sûc û berpirsiyariyên xwe yên dîrokî ji nû ve binirxînin da ku pêşî li vejîna berfirehbûna leşkerî ya Japonî bigirin."