Ji Îsraîlê hisyariya tund: Amadekariya êrîseke berfireh li Lubnanê tê kirin

PeyamaKurd- Desteya Ragihandinê ya Îsraîlê îro 30yê Mijdarê ragihand ku hikûmeta Îsraîlê bi rêya rêveberiya Amerîkayê peyamek hişyariyê ya tund ji hikûmeta Lubnanê re şandiye.

Hate diyar kirin ku di peyamê de hatiye gotin, eger artêşa Lubnanê "gavên bi bandor ji bo bêçekkirina Hizbullahê an sînordarkirina çalakiyên wê neavêje,  wê artêşa Îsraîlê çarçoveya operasyonên xwe yên leşkerî li hundirê axa Lubnanê berfireh bike."

Desteyê da xuyakirin, Îsraîlê di peyama xwe de diyar kir ku ew amade ye çarçoveya êrîşan berfireh bike. Herwiha destnîşan kir ku Îsraîl difikirî ku ji bo hikûmeta Lubnanê demekê destnîşan bike, ji bo avêtina gavên berbiçav, lê niha ew li benda biryara DYAyê ye.