Li Wanê otomobîl kete ava bendavê: 2 kes mirin, kesek winda ye

Dîroka Weşanê :
Li Wanê otomobîl kete ava bendavê: 2 kes mirin, kesek winda ye

PeyamaKurd- Li bajarê Wanê yê Bakurê Kurdistanê, li navçeya Xawesorê otomobîlek dema diçû kete bendavê.

Hate ragihandin ku di qezayê de 2 kes mirine û kesek jî hê nehatiye dîtin.

Li navçeya Xawesorê ya li ser rêya Wan û Colemêrgê otomobîla ku 3 kes tê de bûn ji rê derket û kete Bendava Zernekê.

Piştî bûyerê tîmên AFAD, UMKE, tîmên tenduristiyê, tîmên agirvemirandinê û hêzên ewlehiyê gihîştin cihê bûyerê.

Di encama xebata tîmên rizgarkirinê de, termê du kesan ji bendavê hate derxistin, lê hîn lêgerîna bo kesê sêyem berdewam e.