Li Îranê hejmara miriyan 2,500 kes derbas kir!

PeyamaKurd –  Ajansa Nûçeyan a Çalakvanên Mafên Mirovan a Îranê ragihand ku hejmara kesên ku di xwepêşandanên ku li Îranê ji ber pirsgirêkên aborî dest pê kirine de canê xwe ji dest dane gihîştiye 2,550 kesan.

Xwepêşandanên ku di 28ê Kanûna Pêşîn a 2025an de li Bazara Mezin a Tehranê ji ber kêmbûna bihayê diravê herêmî li hember diravên biyanî û pirsgirêkên aborî dest pê kirine, li gelek bajarên welêt belav bûne.

Di raporê de, ku li ser malpera Ajansa Nûçeyan a Çalakvanên Mafên Mirovan a Îranê ya li Amerîkayê hatiye parvekirin, agahî li ser xwepêşandanên ku 17 roj in berdewam dikin hatine dayîn.

Li gorî raporê, hejmara miriyan ji ber xwepêşandanan gihîştiye 2,550 kesan, di nav de 2,403 xwepêşander (12 ji wan di bin 18 salî de bûn) û 147 endamên hêzên ewlehiyê hene.

Herwiha hat diyarkirin ku di bûyerên berdewam de 1,134 kes birîndar bûne û 18,434 kes hatine desteserkirin.