Sandeyên Washington û Kîevê ji bo danûstandinên astiyê li Almanya ne

PeyamaKurd – Li gorî agahiyan, şandeyên asta bilind ên ji Dewletên Yekbûyî yên Amerîkayê û Ukraynayê li Berlînê ji bo nîqaşkirina planeke aştiyê ya pêşniyarkirî civiyan.

Li gorî Ajansa Nûçeyan a Almanî (DPA), Nûnerê Taybet ê Serokê Amerîkayê Donald Trump ji bo Ukraynayê, Steve Witkoff, û zavayê Trump, Jared Kushner, îro sibê gihîştin otêlekê li navenda Berlînê.

Şandeya Ukraynayê li Şanseliyê ji hêla Günter Sautter, şêwirmendê Şansolyer Friedrich Merz ji bo karûbarên derve û siyaseta ewlehiyê ve hate pêşwazîkirin.

Sautter û tîma Ukraynayê dû re çûn otêla ku şandeya Amerîkî lê dima. Generalê Artêşa Amerîkî Alexus Grynkewich jî gihîşt Berlînê.

Li gorî agahiyan, Grynkewich beşdarî danûstandinan dibe da ku di çarçoveya înîsiyatîfên aştiyê yên Trump de şîretên leşkerî bide danûstandkarên Amerîkî.

Di vê navberê de, tê payîn ku Serokê Ukraynayê Volodymyr Zelenskyy paşê tevlî danûstandinan bibe.

Tê payîn ku Zelenskyy sibê li Berlînê bi Şansolyer Merz û rêberên din ên Ewropî re jî bicive.

Witkoff di destpêka vê mehê de bi Serokê Rûsyayê Vladimir Putin re civiya.

Putin diyar kir ku ew ji bo danûstandinan vekirî ye lê tekez kir ku Rûsya li ser erdê înîsiyatîfa stratejîk diparêze.