Amerîka di Behra Sipî de operasyonan dike

PeyamaKurd- Li gor ajansa Rûsyayê ya bi navê Sputnikê; artêşa deryayî ya Amerîkayê, di çarçoveya herêma ku fîloya 6emîn ya Amerîkayê xebatên xwe tê de dike, keştiya balafiran ya bi navê USS Harry Truman û gruba êrîşê ya ku pêre hevkarî dike, dest bi operasyonan kiriye.

Li gor ajansê sedemên operasyonan ev in:

“Amerîka bo hevkarên NATOyê, bo hevkarên welatên Afrîka û Awrûpayê, bo desteka hevkarên koalîsyonê û bo berjewendiyên Amerîkayê yên ewlekariya netewî yên li Afrîka û Awrûpayê operasyon daye despêkirin.”

Fermandarê artêşa deryayî yê filoya 6 emîn Lisa Franchetti ragihand ku heya keştiya USS Harry Truman li Behra Sipî be, wê operasyonên ku dikevin nava çarçoveya planên wan, wê bikin.