Axios: Wê rêkeftina DYA-Îranê bi rêya elektronî bê îmzekirin

PeyamaKurd - Li gorî nûçeya weşana Amerîkayê Axiosê ku dispêre berpirsên payebilind ên DYAyê, şandên Washington û Tehranê îro 14ê Hezîranê bi navbeynkariya Pakistan û Qeterê bi rêya vîdyokonferansê dicivin.

Hat ragihandin ku rêkeftina li ser agirbestê ku Serokê DYAyê Donald Trump beriya niha eşkere kiribû, ji ber sedemên lojîstîk dê bi awayekî "elektronîk" bê îmzekirin.

Wekî sedema sereke ya lidarxistina onlîne a vê merasîmê jî şanda danûstandinan a DYAyê ya di bin serokatiya Cîgirê Serok James David Vance de, beriya serdana fermî ya Trump a ji bo Fransayê nagihîje welatê xwe, hate nîşandan.

Agirbest, Tengava Hurmizê û Plana Nukleerî

Tê çaverêkirin ku di vê peymana dîrokî de her du alî li ser sê xalên krîtîk li hev bikin: Dirêjkirina agirbestê ji bo 60 rojan, ji nû ve vekirina Tengava Hurmizê ya ji bo bazirganiya navneteweyî û destpêkirina danûstandinên fermî yên li ser bernameya nukleerî ya Îranê.

Ev lihevkirin ku piştî hewldanên sê mehan ên navbeynkariya Pakistan, Qeter, Misir û Tirkiyeyê pêk hatiye, wekî pêngaveke girîng a ji bo dawîanîna şerê li herêmê û misogerkirina aramiya di bazarên enerjiya gerdûnî de tê nirxandin.